هلمند: کجکي د سقوط په حالت کې دی

کابل ټکی کام
راپور فرید احمد
دوه ورځې مخکې د هلمند ولایت کجکي ولسوالۍ کې طالبانو د ولسوالۍ په مرکز او شاوخوا امنیتي پوستو سخت بریدونه کړي دي.
طالبانو دعوه کړي چې د برید لپاره مخکې له مخکې پلان جوړ شوی و.
له سیمې څخه زمونږ همکار خبر راکوي چې وړمه ورځ طالبانو په سیمه کې پراخ عملیات پیل کړل، چې په نتیجه کې یې ۲۵ پولیس ووژل او یو شمېر یې ټپيان کړي دي.
جګړه اوس د ولسوالۍ په مرکز باندې روانه ده.
طالبانو په خپله ویبپاڼه کې دعوه کړې چې جګړه یې د خپلو پيل شویو عزم پسرلني عملیاتو په لړ کې کړې ده.
په جګړه کې له امنیتي ځواکونو څخه ۲ امریکایي ثقیلان ، یو امریکایي ټوپک ، ۴ کلاشنکوفونه ، ۴۰ د S.P.G=9    مرمۍ ، ۵۰ دراکټ مرمۍ ، ۲۵۰۰۰   دثقیل اوکلاشنکوف مرمۍ اوګڼ نورمهمات د طالبانو لاس ته لوېدلي دي.
همداشان طالبانو دا منلې چې ۳ کسان یې وژل شوي او ۴ نور زخمیان شوي دي.