له جرمني د ۵۰۰۰ امریکایي سرتېرو د ایستلو پرېکړه؛ د واشنګټن او اروپا ترمنځ اختلافات زیات شوي

کابل ټکی کام (شنبه، ۱۲ غویی، ۱۴۰۵ل)
د سي اېن اېن د راپور له مخې، د امریکا حکومت پرېکړه کړې، چې شاوخوا ۵۰۰۰ پوځیان به له څخه وباسي.
راپور وایي، دا اقدام وروسته له هغې کېږي چې د امریکایي ولسمشر “ټرمپ” او د جرمني لومړي وزیر ترمنځ لفظي شخړه رامنځته شوه. د جرمني لومړی وزیر “مرتس” د ایران پر وړاندې د امریکا روانه جګړه “بې ستراتیژۍ” بللې وه او ویلي یې وو چې امریکا په دې جګړه کې کمزورې ښکاري.
د پنټاګون په وینا، دا پرېکړه په اروپا کې د امریکایي ځواکونو د حضور له بیاکتنې وروسته شوې، او ټاکل شوې چې د سرتېرو ایستل به په راتلونکو ۶ میاشتو کې بشپړ شي.
راپور زیاتوي چې د ایران جګړې د امریکا او اروپایي متحدینو ترمنځ اختلافات زیات کړي، ځکه واشنګټن دا جګړه د خپلو متحدینو له سلا مشورو پرته پیل کړې ده.