کابل ټکی کام (سه شنبه، ۱۷ چنګاښ، ۱۴۰۴ل)
د عبراني رسنیو د راپورونو له مخې، د لبنان د اسلامي مقاومت غورځنګ حزبالله ځواکونو په ټولو جبهو کې د لوړ خبرداري حالت اعلان کړی دی او جګړې ته د چمتو دي.
راپورونه وایي چې د حزب الله ځواکونه یوځل بیا د لبنان له جنوبي سیمو څخه د سوریې پولې پورې فعال شوي، چې ښيي د حزبالله چمتووالی د هر احتمالي نظامي تقابل او سیمهییزو تحولاتو پر وړاندې زیات شوی دی.
تحلیلګران باور لري چې دا ګام ښايي له غزې سره د اسراییلي جګړې، او یا هم د صهیونیستي پوځ له احتمالي پراخو عملیاتو سره تړاو ولري، چې حزبالله یې د احتمالي غبرګون لپاره تیاري ته اړ کړی دی.
دا پداسې حال کې ده چې په سیمه کې امنیتي فضا ورځ تر بلې کړکېچنه کېږي، او د مقاومت اړوندې ډلې د متقابل غبرګون خبرداری ورکوي.
