(کابل ټکی کام، دوشنبه، ۲۳ چنګاښ ۱۴۰۴):
د ملي دفاع وزارت د ۲۱۷ عمري قول اردو د حضرت ابوبکر صدیق (رض) له ښوونیز مرکز څخه ۵۵۰ تنه منسوبین له درې میاشتني عقیدوي، فکري او مسلکي زده کړو وروسته د یو لړ مراسمو په ترڅ کې فارغ شول.
په دې مراسمو کې د ملي دفاع وزارت د ښوونې او روزنې رئیس شیخ داد محمد “محمدي”، د قول اردو مرستیال ملا عبدالکریم “نافذ”، درستیزوال قاري محمد شفیق “وثیق” او ګڼ شمېر مسؤلینو، علماوو او منسوبینو ګډون کړی و.
فارغ شویو منسوبینو ژمنه وکړه چې د اسلامي نظام د پیاوړتیا، د خلکو د امنیت او د هېواد دفاع لپاره به په اخلاص او صداقت سره خپلې دندې ترسره کړي.
د یادونې وړ ده چې له دې مرکز څخه تر دې دمه په زرګونه مجاهدین فارغ شوي او ټولنې ته د خدمت لپاره وړاندې شوي دي.
