کابل ټکی کام (سه شنبه، ۳۱ چنګاښ، ۱۴۰۴ل)
د افغانستان اسلامي امارت د اقتصادي کمېسیون د تخنیکي کمېټې نوبتي غونډه کې د کبانو سکټور د پراختیا طرحه او د کرنې او مالدارۍ د پراختیا پالیسي تر بحث لاندې نيول شوې وه.
د اقتصادي معاونيت په خبرپاڼه کې راغلي چې د کبانو د پراختیا طرحه کې وړاندوینه شوې چې په ټول هېواد کې به ۷۷۰۰ فارمونه جوړ شي، چې له امله به یې د کبانو د غوښې ۹۰ سلنه داخلي اړتیا پوره او ۳۰۰ زره کسانو ته به مستقیم او غیر مستقیم کار پیدا شي.
د اقتصادي کميسيون د تخنيکي کميټې له لوري دغه طرحه د تایید وړ بلل شوې او د وروستي تصمیم لپاره اقتصادي کمېسیون ته راجع شوې ده.
