کابل ټکی کام (چهارشنبه، ۸ زمری، ۱۴۰۴ل)
د حماس اسلامي مقاومت غورځنګ ویلي، چې د دوی جګړهییز مقاومت په ټولو محاذونو کې بریالی روان دی او صهیونیستي اشغالګرو ته هره ورځ درنه مرګژوبله اوړي.
حماس په یوه اعلامیه کې ټینګار کړی، چې د مقاومت ځواکونو په بېلابېلو سیمو کې د صهیونیستي پوځ پر کاروانونو، اډو او پوځي تجهیزاتو مسلسل بریدونه کړي، چې له امله یې لسګونه پوځیان وژل شوي او ګڼ نور ټپیان شوي دي.
په اعلامیه کې راغلي، چې د مقاومت عملیات به تر هغه دوام ولري، څو چې د غزې محاصره پای ته ونه رسېږي او د صهیونیستانو جرړې له فلسطین څخه نه وي ایستل شوې.
