کابل ټکی کام (سه شنبه، ۲۱ زمری، ۱۴۰۴ل)
د راپورونو له مخې، د امریکا ولسمشر ډونالډ ټرمپ به ډېر ژر د غزې د اوربند یوه موافقه اعلان کړي چې له مخې به یې اسرائيلي ځواکونه له سیمې وځي او د فلسطین د پولیسو د جوړېدو تر وخته به ۸۰ زره مصري سرتېري د اردن او سعودي ځواکونو په ملتیا ځای پر ځای شي.
سرچینې وایي، حماس او نورې فلسطیني ډلې دا مهال په قاهره کې د مصر په منځګړتوب د دې طرحې د ارزونې لپاره غونډه کوي.
د مصر چارواکو له فلسطیني استازو غوښتنه کړې چې د موافقې پر وړاندې له «نامعقولو دریځونو» څخه ډډه وکړي، څو د اوربند د عملي کېدو زمینه برابره شي.
