کابل ټکی کام (يکشنبه، ۲۶ زمری، ۱۴۰۴ل)
د ریاستالوزراء د اقتصادي مرستیال ملا عبدالغني برادر اخوند او د ازبیکستان د انرژۍ وزیر جورابیک میرزا محمدوف په حضور کې د افغانستان برېښنا شرکت او ازبیکستان ترمنځ د ۲۴۳ میلیونو ډالرو په ارزښت د برېښنا څلورو مهمو پروژو تړونونه لاسلیک شول.
یادو پروژو کې د سرخان – دښت الوان ۵۰۰ کیلو ولټ مزي غځولو، د ارغندۍ سب سټېشن پراختیا، د کابل – شیخ مصري ۲۲۰ کیلو ولټ لېږد مزي غځولو او د ننګرهار شیخ مصري سب سټېشن جوړول شامل دي، چې له مخې به له ازبیکستان څخه له ۸۰۰ تر ۱۰۰۰ مېګاواټه برېښنا وارده شي.
د برېښنا شرکت چارواکي وایي چې دغه پروژې به په ۱۸ میاشتو کې بشپړې شي او د صنعت، کرنې او کاري زمینو د برابرېدو لپاره به مهم رول ولوبوي.
