کابل ټکی کام (سه شنبه، ۱۱ وږی ۱۴۰۴):
د نړیوالې اتحادیې د علماوو رئیس، شیخ علي القرهداغي ویلي، چې نن ورځ غزه د درندو بریدونو لاندې ده او سبا به همدغه وسلې د هغو هېوادونو پر پلازمېنو او ښارونو وروغورځول شي، چې هېڅکله یې تصور نه کاوه.
نوموړي ټینګار کړی، چې تر دې وړاندې یې څو ځله خبرداری ورکړی، چې د غزې نننۍ دفاع د مسلمانانو د راتلونکي د خوندیتوب معنا لري.
القرهداغي ویلي: «زه تاسو ته وایم، خپل ځانونه وساتئ، ځکه صحنه نږدې ده او ساعت رارسېدلی دی. د خطر په وړاندې د ودریدلو لپاره چمتو شئ، مخکې له دې چې ټول د اور د لمبو خوراک وګرځئ.»
