کرکټ: افغانستان او پاکستان نن د درې اړخیزې لوبلړۍ پایلوبه ترسره کوي
کابل ټکی کام (يکشنبه، ۱۶ وږی ۱۴۰۴):
د افغانستان او پاکستان کرکټ ملي لوبډلې نن د درې اړخیزې لوبلړۍ په پایلوبه کې یو د بل پر وړاندې میدان ته ښکته کېږي.
دغه سیالي د افغانستان پر وخت ماښام اووه نیمې بجې د شارجې په کرکټ لوبغاړي کې پیلېږي.
افغانستان تر دې دمه په یاده لوبلړۍ کې له څلورو سیالیو درې ګټلي او د غوره پایلو له امله یې پایلوبې ته لاره موندلې ده.
د افغان لوبغاړو بریاوو د هېوادوالو هیلې زیاتې کړي او تمه کېږي چې د لوبلړۍ اتلولي هم خپله کړي.
