غزه کې د مقاومت بریالی برید؛ د صهیونیستي پوځ د مشرانو ټانک الوځول شوی
کابل ټکی کام (پنجشنبه، ۲۰ وږی، ۱۴۰۴ل)
د حماس اسلامي غورځنګ پوځي څانګې “القسام” لېوا خبر ورکړی، چې په غزه کې یې د صهیونیستي پوځ پر هغه ټانک دروند بم غورځولی، چې د اشغالګرو پوځي مشران پکې ناست وو او جګړه یې رهبري کوله.
د قسام سرچینو ویلي، برید په داسې حال کې شوی چې یاد ټانک د جګړې د قوماندې په موخه په لومړۍ کرښه کې ځای پر ځای و.
د برید له امله ټانک په بشپړ ډول له منځه تللی او دننه ناست افسران او قوماندانان وژل شوي دي.
د صهیونیستي پوځ ویاند هم د پیښې تائید کړی او منلي یې ده، چې په جبالیا سیمه کې یې د څلور عسکرو وژل شوي دي.
مقاومت وايي، دا ډول بریدونه به د اشغالګرو د جنګي ماشین روحیه ماته کړي او جګړه به د هغوی پر ضد لا پسې توده کړي.
