کابل ټکی کام (شنبه، ۲۲ وږی، ۱۴۰۴ل)
اسرائيلي پوځ اعلان کړی چې د یمن له لوري ګڼ توغندي د دوی پر لور توغول شوی دی.
د پوځ د وینا له مخې دفاعي سیستمونو له خوا د برید د شنډولو هڅې روانې دي؛ خو د توغنديو د چټکتیا له امله یې تر اوسه مخه نه ده نیول شوی.
تر دې دمه دقیق جزئیات نه دي څرګند شوي چې ایا دغه توغندي د اشغالي فلسطین کومو ښارونو ته رسېدلي دي.
په وروستیو ورځو کې یمني ځواکونو پر اسرائيلو د توغندیو او ډرون بریدونو پیاوړې لړۍ پیل کړې ده.
د انصارالله مسؤلین وايي چې دا بریدونه د غزې پر ولسي خلکو د صهیونیستي رژیم د خونړیو بریدونو په غبرګون کې ترسره کېږي.
