امريکايي استازي او ولسمشر الشرع په دمشق کې د داعش پر ضد د ګډو همکاريو ژمنې کړي
کابل ټکی کام (جمعه، ۲۱ وږی، ۱۴۰۴ل)
د سپتمبر پر ۱۲مه د امريکايي مرکزي قوماندانۍ مشر ادميرال براد کوپر او د امريکا ځانګړي استازي توماس باراک په دمشق کې د سوريې له ولسمشر احمد الشرع سره په ولسمشرۍ ماڼۍ کې کتلي دي.
امريکايي چارواکو د سوريې له ولسمشر څخه د داعش پر ضد د مبارزې په برخه کې د ملاتړ مننه وکړه او ويې ويل چې په سوريه کې د داعش له منځه وړل به د امريکا پر خاوره د احتمالي بريدونو خطر کم کړي.
هغوی زياته کړې چې دغه همکاري د ولسمشر ټرمپ د باثباته سوريې او هوسا منځني ختيځ د ليدلوري يوه مهمه برخه ده.
دواړو لورو د سوريې د وګړو د بيا رغونې د هڅو ستاينه وکړه او ژمنه يې وکړه چې د وسلهوالو ډلو د يو ځای کولو په ګډون به د سيمې د ثبات لپاره ګډو هڅو ته دوام ورکوي. درې واړو مشرانو ټينګار وکړ چې په راتلونکو ناستو کې به پر داعش د ګډ تمرکز د دوام ډاډ ورکړي.
