کابل ټکی کام ( پنجشبه، ۲۷ وږی، ۱۴۰۴ل)
د راپورونو له مخې د غزې په بېلابېلو سیمو کې د مقاومت ځواکونو او صهیونیستي اشغالګرو ترمنځ له تېرې شپې راهیسې سختې او خونړۍ نښتې روانې دي.
ځايي سرچینې وایي، جګړې رفح، خان یونس او شجاعیه سیمو کې روانې دي، چې پکې مقاومت ځواکونو د اشغالګرو پر پوځي مرکزونو او وسایطو بریدونه کړي دي.
د راپورونو له مخې جګړو کې تر دا مهاله لږ تر لږه ۲۰ تنه صهیونیستي اشغالګرو ته مرګ ژوپله اوښتي، ګڼ نور ټپیان شوي دي او څو زغرهوال موټر او پوځي وسایط یې هم له منځه وړل شوي دي.
سرچینې زیاتوي چې د سختو بریدونو له امله د صهیونیستي پوځ ځینې کنډکونه له سیمې څخه شاتګ ته اړ شوي او مقاومت ځواکونه په ډېرو برخو کې برلاسي دي.
مقاومت ټینګار کوي، چې مقاومت به تر هغه وخته دوام وکړي څو چې د غزې خاوره د صهیونیستي یرغلګرو له شتون څخه بشپړه نه وي پاکه شوې.
