کابل ټکی کام (یکشنبه، ۱۳ تله، ۱۴۰۴ل)
د امریکا ولسمشر ډونالډ ټرمپ ویلي، اسراییلو د غزې تړانګې له مرکزي سیمو څخه په شا تګ موافقه کړې ده.
ټرمپ په یوه پوسټ کې ویلي، چې اوربند او د بندیانو تبادله به هغه وخت عملي شي چې د اسلامي مقاومت غورځنګ «حماس» یې تایید وکړي.
د ده په وینا، دا به د اسراییلو د ځواکونو د وتلو راتلونکې مرحلې ته لاره هواره کړي.
له بلې خوا، د اسلامي مقاومت غورځنګ حماس هم د ټرمپ د طرحې له یو شمېر مادو سره موافقه کړې ده. په دغو مادو کې د ټولو اسراییلي بندیانو خوشې کول او د غزې اداره یو فلسطیني هیئت ته سپارل شامل دي.
