زموږ ځوانان ولې د نورو د هوسونو او خواهشاتو لپاره ځانونه وژني؟؟

په عمومي توګه په افغان ځوانانو کې د علم، تعليم او پوهې نسبتً نورو هېوادونو ته ټیټه ده، خو د دغې پوهې او علم د کچې د ټيټوالي عوامل په اصل کې پر افغان خاوره د نړيوالو استعمارګرانو يرغلونه او هغه ظلمونه او وحشتونه دي چې نړيوال استعمارګر يې د يرغل په ترڅ کې کوي…..
په ځانګړي ډول د امريکا او ناټو اوسنی يرغل چې د بشري حقونو تر کاذب شعار لاندې يې د افغانستان پر مقدسه خاوره وکړ، د ځوانانو د پوهې، له اسلام دين څخه لرېوالی او نور هغه خويونه او بدمرغۍ چې افغان ځوانانو ته ورپېښې شوي دي، په حقيقت کې د همدې يرغل زېږنده اعمال دي….
په افغان ځوانانو کې د پوهې کچه له امريکايي یرغل سره دومره ټيټه شوې چې د کابل ادارې د څو تش په نوم مشرانو د هوسونو، خواهشاتو او فحشاء د ساتنې لپاره ځانونه وژني او بيا تر ټولو ستره بدمرغي يې دا چې کله چې دغه ناپوه او بې علمه ځوانان د يادو فاحشو چارواکو د ژوند د تأمين لپاره خپل ځان ووژني نو يې نور ناپوهان دغه بې ځايه ځان وژنه د وطن ساتنې؟ قرباني او شهادت؟ بولي…. خو په حقيقت کې دوی په داسې حال کې دا خبره کوي چې نه د شهادت په اصل معنا پوهېږي او نه هم اصلی وطن ساتنه پېژني…..
د دغو ځوانانو پوهه، علم او عقل په داسې وخت کې هم په تر ټولو ټيټه کچه کې دی، چې ټول افغان ولس او ان ټوله نړۍ به دې پوه شوې چې د کابل ادارې چارواکي د افغان ټولنې ځينې ناپو او ناګاه ځوانان د خپل ژوند د عيش او عشرت لپاره ځانونه وژني…. او دغه چارواکي په اصل کې د څو پيسو په بدل کې د دغو ناپوهو ځوانانو ژوند اخلي خو کله چې مړۀ شي نو بيا يې ان جسدونه هم د مرګ له ساحې نه راوړي او نه يې هم زخمونه پټۍ کوي….
کله چې ووژل شي بيا همدا چارواکي له ښځو څخه د جنسي ناروا اړيکو غوښتنې کوي، خو کله چې ژوندي وي نو دوی يې بيا ستايي او په شا يې ټپوي…..
نو همدا لامل دی چې د افغان ټولنې دغه ناپو ډله ځوانان د عياشو چارواکو د ژوند د ساتنې لپاره ځانونه وژني….