کابل ټکی کام (سهشنبه، ۱۵ تله ۱۴۰۴)
نن د «طوفان الأقصی» عملیاتو دویمه کلیزه ده، چې په همدې مناسبت له غزې او یمن څخه پر صهیونیستي اهدافو پراخ توغندیز بریدونه شوي دي.
د فلسطیني رسنیو د راپورونو له مخې، د غزې مقاومتي ډلو د عملیاتو د دویمې کلیزې په مناسبت ګڼ توغندي پر صهیونیستي اهدافو توغولي او د اشغال پر وړاندې یې د مبارزې د دوام هوډ څرګند کړی دی.
همدارنګه د یمن وسلهوالو ځواکونو ویلي، چې د یادې کلیزې په مناسبت یې د صهیونیستي رژیم پر لور څو توغندي او بېپیلوټه الوتکې توغولې دي.
د اسراییلي پوځ ویاند ادعا کړې، چې یو شمېر توغندي یې په فضا کې هدف ته له رسېدو وړاندې له منځه وړي دي.
بل لور ته، د اسراییلو په بېلابېلو ښارونو کې د اکتوبر د اوومې د پېښې د قربانیانو په یاد مراسم ترسره شوي، او د تاوتریخوالي د دوام له امله د خلکو ترمنځ اندېښنې زیاتې شوې دي.
په ورته وخت کې د مصر په کوربتوب د اوربند او د بندیانو د تبادلې په تړاو خبرې روانې دي؛ خو د کتوونکو په باور د غزې او یمن له لورې د بریدونو دوام د سولې هڅې له ننګونو سره مخ کړې دي.
څارونکي وايي، چې د طوفان الأقصی عملیاتو دویمه کلیزه د یادونې ترڅنګ د نوي کړکېچ او پوځي تاوتریخوالي یو بل فصل هم پرانیستی دی.
