کابل ټکی کام (سه شنبه، ۱۵ تله، ۱۴۰۴ل)
په کډوالو او راستنېدونکو چارو وزارت کې د اشیانه، هماهنګي کمک های بشري، همبستګي و مساعدت افغانستان نوین او توانمندي ماموریت زنان افغانستان موسسو سره د ۹۶۶ زره ۸۶۱ امریکايي ډالرو په ارزښت څلور هوکړه لیکونه لاسلیک شول.
یادې موسسې به دغه مالي مرسته په هرات، لوګر، پکتیکا، ننگرهار او زابل ولایتونو کې د نغدي مرستو د ویش، د ماشومانو د ساتنې او زده کړو، د ماشومانو د حقوقو د قضیو مدیریت او پوهاوي لوړولو، روغتیايي کڅوړو وېش، عامه پوهاوي، د څښلو پاکو اوبو او کثافت دانیو په برخه کې وکاروي.
د وزارت د معلوماتو له مخې، د هوکړه لیکونو د پلې کېدو په پایله کې به ۲۵۷۱۴ راستنې شوې کورنۍ او ۷۷۶۵۰ تنه بېځایه شوي او کوربه کسان له دې مرستو ګټه پورته کړي او د بشري اړتیاوو په پوره کېدو کې به ورته مهمه مرسته وشي.
