کابل ټکی کام (يکشنبه، ۲۰ تله، ۱۴۰۴ل)
د حکومت ویاند ذبیحالله مجاهد ویلي، نن له غرمې مخکې ۱۱ بجې به د افغانستان او پاکستان تر منځ د وروستیو سرحدي پېښو او پوځي ترینګلتیا په تړاو په کابل کې د حکومت د رسنیو په مرکز کې مهم مطبوعاتي کنفرانس ترسره شي.
د افغانستان د دفاع وزارت په وینا، تېره شپه د اسلامي امارت وسلوالو ځواکونو د پاکستاني پوځ له لوري د افغانستان د حریم د مکرر نقض او هوایي بریدونو په ځواب کې د ډیورنډ کرښې په اوږدو کې د پاکستاني امنیتي ځواکونو پر پوستو انتقامي او بریالي عملیات ترسره کړي دي. وزارت زیاتوي، دا عملیات د شپې شاوخوا دولس بجې پای ته رسېدلي او افغان ځواکونه د هېواد د خاورې د بشپړ دفاع لپاره بشپړ چمتووالی لري.
دفاع وزارت ټینګار کړی چې که پاکستان یو ځل بیا د افغانستان حریم نقض کړي، پرېکنده او کلک ځواب به ورکړل شي.
سرچینې وايي، ترینګلتیا وروسته له هغه زياته شوه چې پاکستاني جنګي الوتکو د پکتيکا او خوست کې بمبار وکړاو ان د کابل هوايي حریم يې نقض.
