کابل ټکی کام (شنبه، ۱۳ مرغومي، ۱۴۰۴ل)
د فلسطین د اسلامي مقاومت غورځنګ «حماس» د امریکا له لوري پر وینزوېلا ترسره شوی پوځي برید او د دغه هېواد د ولسمشر نیکولاس مادورو او د هغه د مېرمنې تښتول په کلکه غندلي دي.
په یوې خپرې شوې اعلامیه کې حماس دا اقدام «د نړیوالو قوانینو، انساني اصولو او د یوه خپلواک هېواد د ملي حاکمیت ښکاره نقض» بللی دی.
اعلامیه زیاتوي، چې دا ډول یرغلونه د امریکا د اشغالپاله سیاست دوام څرګندوي او د ملتونو پر ضد د زور او استکبار یوه بله بېلګه ده.
حماس له نړیوالو، ازادو ملتونو او د بشري حقونو له بنسټونو غوښتي، چې د امریکا دغه «خطرناک او ناقانونه اقدام» وغندي او د وینزوېلا د خپلواکۍ او مشرتابه د آزادۍ لپاره غږ پورته کړي.
