لغمان کې د ۱۱۰ میګاواټه بادي برېښنا دستګاوو لپاره ځمکه تثبیت او تخنیکي سروې ترسره شوه

کابل ټکی کام (يکشنبه، ۱۲ سلواغه، ۱۴۰۴ل)

د اوبو او انرژۍ وزارت تخنیکي ټیم د لغمان ولایت په بادپښ او قرغیو ولسوالیو کې د ۱۱۰ میګاواټه بادي برېښنا دستګاوو د نصب لپاره د ځمکې تثبیت او لومړنۍ تخنیکي سروې ترسره کړه.

د اوبو او انرژۍ وزارت وايي، دغه سروې د لغمان ولایت په بادپښ او قرغیو ولسوالیو کې ترسره شوه، چې هدف یې د بادي برېښنا د تولید لپاره اړین اقدامات پیلول دي زياتوي چې د دغه پروژې په پلي کېدو سره به نه یوازې برېښنا، بلکې ګڼې نورې ټولنیزې او اقتصادي اسانتیاوې هم خلکو ته برابرې شي.