ابوعبیده: مقاومت طوفان الأقصی جګړه کې تاریخي استقامت ښودلی
کابل ټکی کام (شنبه، ۲۵ سلواغه، ۱۴۰۴ل)
د اسلامي مقاومت غورځنګ حماس د پوځي څانګ القسام لېوا ویاند “ابو عبیده” ویلي، دوی تاییدوي، چې د ایران اسلامي جمهوریت پر وړاندې وروستي ګواښونه، پخواني بریدونه او محاصره د هغو ملتونو او مقاومتي رهبرۍ پر وړاندې د غچ اخیستلو ناکامه هڅه ده چې د فلسطیني ولس تر څنګ ولاړ دي.
نوموړي زیاته کړې چې دا دریځ د فلسطین د خلکو د زړور مقاومت د ملاتړ لپاره مستقیم او ښکاره اعلان دی.
هغه ټینګار کړی، چې د خدای په فضل او د ازادو ملتونو د ملاتړ له امله، فلسطیني مقاومت د الاقصی طوفان عملیاتو پر مهال افسانوي استقامت وښود.
د ده په وینا، مقاومت د صهیونیستي ریژیم د نه ماتېدونکي ځواک تصور مات کړ او د صهیونیسټ رژیم ټول اعلان شوي اهداف یې شنډ کړل.
