کابل ټکی کام (شنبه، ۲۵ سلواغه، ۱۴۰۴ل)
د افغانستان ملي موزیم مسوولینو ویلي، چې د روان لمریز کال له پیل څخه تر اوسه څه باندې ۱۳ زره تاریخي او فرهنګي اثار له بېلابېلو سرچینو څخه یاد موزیم ته لېږدول شوي دي.
د موزیم د یوې برخې آمر، عینالدین صداقت، ویلي، چې دغه توکي د برونزو، کوشاني، یونان-باختري او اسلامي دورو اړوند دي په خبره يې د دې اثارو یوه برخه هم له قاچاق وړونکو څخه ترلاسه شوې او اوس په ملي موزیم کې خوندي ساتل کیږي.
د ملي موزیم مسوولین وايي، په پلان کې ده، چې د ملي موزیم په انګړ کې د برونزو، یونان-باختري، کوشاني او اسلامي دورو اړوند ځانګړی نندارتون جوړ کړي، څو لیدونکي وکولی شي دغه تاریخي او فرهنګي توکي له نږدې وګوري.
