مهاجرينو کمېسیون: تېره ورځ ۶۹۲ کورنۍ هېواد ته راستنې او اړينې مرستې ورسره وشوې 

کابل ټکی کام (شنبه، ۲۵ سلواغه، ۱۴۰۴ل)

د مهاجرینو ستونزو ته د رسېدنې عالي کمېسیون د دارالانشاء ويلي، چې پرون ډجمعې په ورځ د هېواد له بېلابېلو سرحدي لارو ټولټال ۶۹۲ افغان کورنۍ چې ۳۷۰۴ غړي لري، په اجباري ډول هېواد ته راستنې او ثبت شوې دي.

د راپور له مخې، له ثبت شويو کورنيو څخه ۳۸۹ کورنۍ خپلو ولایتونو ته لېږدول شوي او ۳۸۰ کورنیو ته نغدي مرستې ورکړل شوې دي.

همداراز راستنېدونکو ته ۷۷۰ سیمکارتونه وېشل شوي او د روغتیا، خوراک، ټرانسپورټ او عامه پوهاوي اړوند نور خدمات هم وړاندې شوي دي.