کابل ټکی کام (چهارشنبه، ۲۹ سلواغه، ۱۴۰۴ل)
د آریانا افغان هوايي شرکت مسوولین وايي، دغه شرکت د نويو الوتکو د پېرلو په اړه له MARS اماراتي او GA Talisis ترکي شرکتونو سره آنلاین خبرې کړې دي.
د معلوماتو له مخې، په دې ناستو کې د یوې د Airbus A330 او یوې Boeing 737 الوتکې د پېرلو پر شرایطو مفصل بحث شوی دی.
د شرکت د الوتکو پېرلو کمېټې په ناسته کې د تخنیکي ارزونو، مالي وړاندیزونو، داوطلبۍ شرایطو او نړیوالو معیارونو د رعایت موضوعات څيړلي او مسوولینو ټینګار کړی چې د پېرلو بهیر به د شفاف او رقابتي میکانیزم له مخې او د نافذه قوانینو مطابق پرمخ وړل کېږي.
د آریانا افغان هوايي شرکت په وینا، د نويو الوتکو پېرل به د شرکت عملیاتي ظرفیت لوړ کړي، د الوتنو منظموالی به پیاوړی کړي او مسافرو ته به خوندي او باکیفیته خدمات برابر کړي.
