اسرايیلي پوځ: حزبالله سره یې جګړه کې ګڼو پوځیانو ته مرګ ژوبله اوښتې
کابل ټکی کام (دوشنبه، ۱۷ وری، ۱۴۰۵ل)
د اسرايیلو پوځ منلې، چې له حزبالله سره د جګړې پر مهال یې ۳۷۵ افسران او پوځیان ټپیان شوي دي.
راپور زیاتوي، چې د جګړې د تلفاتو په اړه بشپړ جزیات نه دي وړاندې شوي، خو دا شمېر د روانو نښتو د شدت ښکارندويي کوي.
د ویلو ده، چې د اسرائیلو ۱۲ تلویزیوني شبکې بیا خبر ورکړی، چې په تېره یوه میاشت کې حزب الله ځواکونو سره جګړو او د ماین چاودنو کې ۱۳ پوځیان وژل شوي او ۸۰۰ نور ټپیان دي، چې له ډلې یې د ۵۰ تنو روغتیایي حالت خطرناک ښودل شوی ده.
