کابل ټکی کام (یکشنبه، ۳۰ وری، ۱۴۰۵ل)
د یمن وسله والو ځواکونو خبرداری ورکړی، که د امریکا ولسمشر ټرمپ د تهران او واشنګټن ترمنځ د سولې پر وړاندې خنډونو ته دوام ورکړي، نو دوی به د باب المندب تنګی په بشپړه توګه وتړي.
یمني ځواکونو پر ټرمپ او نورو ښکېلو اړخونو غږ کړی، چې سمدستي دې هغه کړنې او پالیسۍ پای ته ورسوي چې د سولې بهیر ټکنی کوي.
بابالمندب تنګی د نړۍ له مهمو سمندري لارو څخه ګڼل کېږي، چې د سویس کانال پر لور د نړیوالو سوداګریزو کښتیو د تګ راتګ اساسي مسیر بلل کېږي.
کارپوهان وایي، که دغه تنګی وتړل شي، د نړۍ د انرژۍ بازارونه به له جدي فشار سره مخ شي، ځکه د خامو تېلو او نورو سون توکو لویه برخه له همدې لارې لېږدول کېږي.
