کابل ټکی کام (دوشنبه، ۳۱ وری، ۱۴۰۵ل)
د خوست ولايت د مقام وياند مستغفر ګربز وايي، د نادرشاهکوټ ولسوالۍ اړوند ځني خېلو سيمه کې د ۲۰۳ منصوري قول اردو ځواکونو د کشفي معلوماتو پر بنسټ ۹۵ قبضې تفنګچې او ۲۵۰۰ فیره مرمۍ کشف او ضبط کړې دي.
د نوموړي په وينا، يادې وسلې او مهمات په يوه الټو ډوله موټر کې ځای پر ځای شوي وو او قاچاق کوونکو غوښتل چې دا توکي له پاکستان څخه افغانستان ته انتقال کړي، خو د امنيتي ځواکونو له لوري مخکې له رسېدو ونيول شول.
د خوست د مقام د مطبوعاتي دفتر په خبرپاڼه کې زياته شوې چې د دې پېښې په تړاو دوه تنه قاچاق کوونکي هم نيول شوي دي.
