کابل ټکی کام ۱۰حمل/۱۳۹۵، ارین خان
د افغانستان فوټبال لوبډلې د اسیا کپ سیالیو ته د لار موندنې لپاره په ګروپي لوبو کې سنګاپور فوټبال لوبډلې ته د ۲-۱ پر وړاندې ماتې ورکړه.
د افغانستان او سنګاپور فوټبال لوبډلو تر منځ دغه سیالي نن د ایران پلازمینه تهران کې وه.
افغانستان د دغې لوبې په ګټلو سره د اسیا هېوادونو د ۲۰۱۹میلادي کال ته نږدې کړ.
د افغانستان لپاره خیبر اماني او یوسف شیردل په ۳۹ او ۷۸ دقیقه کې ګولونه وکړل.
همدا راز د سنګاپور یوه لوبغاړي فازرول نواز په ۸۹ دقیقه کې ګول وکړ، چې لوبه یې د ۲-۱ پر وړاندې پای ته ورسوله.
ویل کیږي، که په دې وروستیو لوبو کې فلپین د شمالي کوریا او میانمار د لبنان په وړاندې ودریږي، افغانستان به پل پړاو ته لاره وموندي.
د یادولو ده، چې جاپان پنځه ورځې وړاندې افغانستان ته د ۱-۵ پر وړاندې ماته ورکړې وه.
