يوې تازه امريکايي څېړنې کشف کړې ده، چې ځنې خواړه او مشروبات داسې دي، چې د انسان بې خوبي له منځه وړي او د يوه ارام خوب په راوستلو کې مرسته کوي.
بې خوبی نږدې د بدن پر ټولو غړو او ورځني فعاليت اغېز کوي، چې لاندې درې خواړه يې په ورکولو کې ګټور دي:
۱- زعفران: زعفران په چټک او اغېزناک ډول بې خوبي له منځه وړي، په ځانګړي ډول که بستر ته له تلو وړاندې انسان د ګرمو شيدو يو ګيلاس هم وڅکي.
۲- صحرايي وربشه: څېړنې ويلي دي، چې په دغو ډول وربشه کې د ميلاتونين په نامه عنصر شته، چې د پرکالۍ لامل ګرځي، نو د دې لپاره چې خوب ارام او ژور وي، کېدای شي، له خوب وړاندې وخوړل شي.
۳- کېله: کېله د ټريپټوپن په نوم ماده په ځان کې لري، چې دغه د هغو خوړو له جملې څخه دی، چې خوب غالبوي، عصبي حجرې اراموي او د شپې له مخې د مغزو فعاليت کموي.
