ایران هرمز تنګي ته څېرمه پر ۱۰ بېړیو بريدونه کړي
کابل ټکی کام (پنجشنبه، ۱۹ وږی، ۱۴۰۵ل)
ایران وايي، د امریکا له لوري د پنځو ایراني تېلو وړونکو بېړیو له ډوبولو وروسته یې هرمز تنګي ته څېرمه پر ۱۰ بېړیو بریدونه کړي دي.
د رویټرز د راپور له مخې، په دغو بریدونو کې لږ تر لږه یو سمندري کارکوونکی وژل شوی او یو بل لادرکه دی.
د راپور له مخې، د وروستیو بریدونو له امله د نړیوالو بازارونو د تېلو بیې هم لوړې شوې دي. د برېنټ خام تېلو بیه د لومړي ځل لپاره له تېر جولای راهیسې له ۱۰۰ ډالرو اوښتې ده.
