د افغانستان او ترکمنستان پر سوداګریزو اړیکو د پراختیا خبرې شوي
کابل ټکی کام (پنجشنبه، ۱۹ وږی، ۱۴۰۵ل)
د افغانستان د سوداګرۍ او پانګونې خونې رئیس سید کریم هاشمي په کابل کې د ترکمنستان له سفیر خواجه عوضاوف سره لیدلي دي.
په دې لیدنه کې د دواړو هېوادونو ترمنځ د سوداګریزو او اقتصادي اړیکو پر پراختیا خبرې شوې دي.
په لیدنه کې د خصوصي سکټورونو ترمنځ د همکاریو لپاره د اسانتیاوو پر برابرولو او د افغانستان او ترکمنستان له ګډو اقتصادي ظرفیتونو څخه د لا ډېرې ګټې اخیستنې پر څرنګوالي هم بحث شوی دی.
