کابل ټکی کام ۲۳حمل/۱۳۹۵، احمدالله مهاجر
نن سهار د سویلي هلمند په مربوطاتو کې د یوې ترافیکي پېښې له کبله ۸ کسان مړه شوي دي، او څلوېښت تنه نور ټپيان شوي.
ځايي چارواکو ویلي دي، دغه پېښه د کابل-نیمروز پر لویه لاره د سویلي هلمند ولایت په مربوطاتو کې رامنځته شوې ده.
د چارواکو له قوله، یو ۳۰۳ ډوله موټر چې له نیمروز ولایت څخه یې حرکت کړی وو، سهار شاوخوا ۸ بجې د واشیر ولسوالۍ په مربوطاتو کې واوښت.
د هلمند د والي ویاند عمر ځواک رسنیو ته د دغه پېښې پخلی کړی دی، او ویلي یې دي، چې په دغه پېښه کې ۸ کسان مړه شوي، او څلوېښت تنه نور ټپيان دي.
د ځواک له قوله چې په وژل شویو کې ښځې او ماشومان هم شامل دي.
د خبرونو پر اساس چې د پېښې قربانیان د هلمند مرکز لښکرګاه ښار د عاجلو مرستو مرکز ته استول شوي دي.
