د ینبع پر صنعتي بندر توغندیز برید؛ د ارامکو تأسیسات په نښه شوي
کابل ټکی کام (شنبه، ۱۱ تله، ۱۴۰۵ل)
د راپورونو له مخې، د سعودي عربستان د مدینې منورې ولایت په ینبع صنعتي ښار کې د سعودي د دولتي نفتشرکت «ارامکو» اړوند د «ینبع شمالي» مرکز د توغندیز برید هدف ګرځېدلی دی.
راپورونه وايي، دغه مرکز د ینبع په صنعتي بندر کې موقعیت لري او د سعودي د نفتو له مهمو تأسیساتو څخه شمېرل کېږي.
د یمني ځواکونو ویاند جنرال یحیی سریع د برید مسؤلیت منلی او خبرداری یي ورکړی که په یمن یریدونه دوام وکړي دوی به یي هم غچ کې د سعودي حیاتي زیرمې په نښه کړي.
