نورستان کې د ۱۱۳ میلیونه افغانیو په لګښت د حلقوي سړک جوړولو چارې پیل شوې
کابل ټکی کام (یکشنبه، ۱۹ تله، ۱۴۰۵ل)
د ټولګټو وزارت په وینا، د نورستان ولایت په مرکز پارون ښار کې د دوه کیلومتره حلقوي سړک د رغولو چارې د څه باندې ۱۱۳ میلیونه افغانیو په لګښت پیل شوې دي.
دغه سړک لس متره پلنوالی لري او د پروژې په اوږدو کې به یو ۲۰ متره پل، اته پلګوټي، ۱۵۳۰ متره استنادي دېوال، د سړک غاړې ویالې او پیادهرو هم جوړ شي.
د یاد وزارت په وینا، د دې پروژې په بشپړېدو سره به د پارون ښار ترانسپورتي ستونزې کمې او د سیلانیانو د تګ راتګ ترڅنګ به د اقتصادي ودې لپاره هم اسانتیاوې برابرې شي.
