احدي: «په امنیتي لحاظ سره د ملي یووالي حکومت مطلق ناکام راغلی»

کابل ټکی کام ۳۱حمل/۱۳۹۵، احمدالله مهاجر
د نوې ملي جبهې رئیس ښاغلي انوارالحق احدي له امریکا غږ سره په یوه مرکه کې وویل، چې په امنیتي لحاظ سره د ملي یووالي حکومت مطلق ناکام راغلی دی.
انوارالحق احدي د دغې پوښتنې چې ایا تاسو هم د هغو کسانو له جملې څخه یاست، کوم چې رولا غني تېره ورځ د حکومت له لورې د څوکیو د نه ورکولو له کبله ناراضه بللي دي؟
«نه، زما په عقیده دا حکومت یو ناکام حکومت دی، البته زمونږ هیله دا وه، چې دا به یو کامیاب حکومت وي، مګر حکومت ټولو ته دهوکه باز دی، ملت سره یې دروغ ویلي دي، خپلو متحدینو سره یې دروغ ویلي دي، دنیا سره چې ده دروغ وایي، سره له دې چې تمامه دنیا په دې فکر کوي، چې دا یو ناکام حکومت دی، دوی دا نه شي منلی، دوی په حالت د تکذیب کې دي، اما دا یوازې زما خبره نه ده، دا د یوه بل چا خبره نه ده، یو اتیا فیصده خلکو دا حکومت رد کړی ده.»
احدي ته د امریکا غږ مرکه کوونکې وویل، چې په دې وروستیو کې امنیتي ځواکونو پرمختګونه وکړل، د بېلګې په توګه د اساسي قانون له ارزښتونو څخه دفاع کولی شي، د دې په اړه ستاسو څه نظر دی؟
نوموړي ورته وویل، زما په عقیده دا حکومت په امنیتي لحاظ سره مطلق ناکام راغلی دی.
احدي صاحب د امریکا غږ د مرکه کوونکې د دې خبرې چې امنیتي ځواکونه دا مهال قوي شوي دي، او اوس په کندز کې یې پرمختګ کړی دی، ایا دا یو پرمختګ نه دی؟
احدي صاحب یې په ځواب کې وایي، چې نه، دا په هېڅ صورت کې پرمختګ نه دی، کندز د دوی په لاس کې وو، هېڅ ولایت د طالبانو لاسته نه وو لوېدلی، د ملي یووالي حکومت په وخت کې د دوی له لاسه ووتو، دوی خلکو ته وویل، چې مونږ کندز بېرته کاملاً نیولی دی، او تصفیه کاري مو سره خلاصه کړې ده، د تصفیه کارۍ نتیجه دا وه، چې څو میاشتې وروسته بېرته طالبان راشي، او کندز نیسي.
له دوی سره د امریکې حکومت تماس سابقه دوام لري، دا یو دروغ ده چې دوی خلکو ته وایي، مونږ سره کمکونه نه دي شوي.
احدي همدا راز د مرکې پرمهال د کابل نننۍ برید په کلکو ټکو وغندلو، او پر طالبانو یې غږ وکړ، چې دوی دې له بریدونو لاس واخلي، او د سولې خبرو ته دې کیني، او هلته دې خپل مشروع شرطونه پېش کړي.