عراق پلازمینه کې چاودنې لسګونه کسانو ته مرګ ژوبله اړولې
کابل ټکی کام ۰۳غويي/۱۳۹۵، سمسور ګیلاني
نړیوالو خبري منابعو خبر ورکړی دی، چې د عراق پلازمینه بغداد کې د یوې چاودنې له کبله لسګونه کسانو ته مرګ ژوبله اوښتې ده.
العالم خبري اژانس د بغداد د پولیسو له قوله لیکلي دي، چې د عراق پلازمینې بغداد په الرضوانیه سیمه کې پر حسینیه یو بمي برید ترسره شو، چې له کبله یې ۲۵ کسان مړه او ژوبل شول.
سومریه نیوز د پولیسو د یوې خبري منبع له قوله لیکلي دي، چې نن ماسپښین (جمعه) یو سرتېری له خپلو چاودېدونکو توکو سره حسینیې ته ننوت، او ځان ته یې انفجار ورکړو.
