کابل ټکی کام ۰۹غويي/۱۳۹۵، سمسور ګیلاني
نړیوالو خبري رسنیو خبر ورکړی دی، چې د لبنان ځواکونو د داعش ډلې یو لوړ رتبه قومندان وژلی دی.
رویټرز خبري اژانس خبر ورکړی دی، چې د داعش ډلې یو لوړپوړی قومندان نایف الشعلان چې مشهور په ابو فیاض وو، وژل شوی دی.
دغه اژانس ویلي دي، چې ابوفیاض د داعش ډلې د یو شمېر ګروپونو د اداره کولو دنده په غاړه درلوده.
رويټرز خبري اژانس ویلي دي، د داعش ډلې دغه قومندان د لبنان او سوریې د پولو دواړو خواوو ته چې یوه غرنۍ سیمه ده، فعالیت کاوو.
ابو فیاض د لبناني ځواکونو له خوا د یو لړ عملیاتو په ترڅ کې د لبنان په شمال ختیځ کې د ارسلان ښار څخه لږ لیري وژل شوی دی.
