کابل ټکی کام ۲۸غويي/۱۳۹۵، احمدالله مهاجر
له غزني څخه په ترلاسه شویو راپورونو کې راغلي دي، چې د دغه ولایت په ګیلان ولسوالۍ کې د پولیسو او د اردو عسکرو د ټانګونو تر منځ د ټکر له کبله ۳ پولیس او د ملي اردو ۲ تنه عسکر وژل شوي دي.
د خبرونو پر اساس، دغه ټکر چې د جګړې پر مهال وشو، طالبانو د دغې ولسوالۍ اړوند په بختیار سیمه کې د محلي پولیسو پر پوستو بریدونه ترسره کړل.
د غزني امنیه قومندان هم رسنیو ته تأیید کړه، چې په دغه پېښه کې د دوی عسکر وژل شوي دي.
خبر وايي، دغه پېښه چې تېره شپه رامنځته شوه، طالبانو ۱۲ محلي پولیس او عسکر ووژل، او د یوه قومندان په ګډون ۴ تنه نور یې ټپيان کړل.
د یادولو ده، دغه ټکر داسې مهال ترسره شو، چې طالبانو د افغان عسکرو ۲ ټانګونه د ماینونو په مټ والوځول، او د طالبانو دغو بریدونو پر افغان عسکرو او پولیسو سخت روب واچوو.
