کریکټ: افغانستان به په جولای میاشت کې له ایرلنډ، هالنډ او سکاټلنډ سره ولوبیږي
کابل ټکی کام ۰۲چنګاښ/۱۳۹۵، ارین خان
د افغانستان د کریکټ بورډ له لورې په خپره شوې خبرپاڼه کې راغلي دي، چې افغان ملي لوبډله به په راتلونکې جولای میاشت کې له ایرلنډ، هالنډ او سکاټلنډ سره ولوبیږي.
دغه لوبې د څلور ورځنیو او یوې ورځنیو او انټر کانټننټل کپ سیالیو لپاره دي.
افغان کرکټ بورډ وايي، چې ایرلنډ به د افغان ملي لوبډلې کوربه وي، چې هلته به د ایرلنډ سره د جولای میاشتې پر ۱۰، ۱۲، ۱۴، ۱۷ او ۱۹ لوبې ترسره کړي.
خبرپاڼه کې راغلي دي چې د جولای میاشتې له څلورمې تر شپږمې نېټې پورې به افغانستان له سکاټلنډ سره دوه-یوه ورځنۍ لوبې ترسره کړي.
افغان کرکټ بورډ له سکاټلنډ سره د سیالۍ لپاره ۱۶ لوبغاړي معین کړي دي، چې دوی به په یوه ورځنۍ سیالۍ کې هم لوبې ترسره کړي.
د افغان کرکټ بورډ له لورې سیالیو ته د غوره شویو لوبغاړو خپور شوی لست په لاندې توګه دی:
۱: محمد شهزاد
۲: نور علي ځدران
۳: جاوېد احمدي
۴: اصغر ستانکزی
۵: رحمت شاه
۶: محمد نبي
۷: سمیع الله شینواری
۸: نجیب الله ځدران
۹: راشد خان
۱۰: میرویس اشرف
۱۱: ګلبدین نایب
۱۲: دولت ځدران
۱۳: حمید حسن
۱۴: شاپور ځدراڼ
۱۵: امیر حمزه هوتک
۱۶: یمین احمدزی
