کابل ټکی کام ۲۶چنګاښ/۱۳۹۵، احمدالله مهاجر
د کابل ولایت امنیتي مسئولینو ویلي دي، چې نن سهار ۷:۰۰ بجې د کابل ښار ۱۲مې حوزې سره، په ارزان قيمت سيمه کې د یوې چاودنې غږ اورېدل شوی دی.
دغه پېښه د یوه مقناطیسي ماین په مټ، چې د پولیسو په یوه موټر کې ځای پر ځای شوی وو، شوې ده.
امنیتي مسئولینو تراوسه پورې د دغه پېښې د تلفاتو په اړه څه نه دي ویلي، مګر عیني شاهدانو ویلي دي، چې د پېښې له کبله تلفات اوښتي دي.
له بلې خوا د بګرامیو پولیسو رسنیو ته ویلي دي، چې په دغه پېښه کې ۱ پولیس وژل شوی دی، او ۳ نور ټپيان دي.
د دغې پېښې مسئولیت تر اوسه پورې چا نه دی منلی.
دا په داسې حال کې چې دوه اونۍ وړاندې هم د طالبانو له لورې په کابل کې د پولیسو پر اکاډمۍ سرتېری برید ترسره شو، چې له کبله یې لسګونو پولیسو ته مرګ ژوبله واوښته.
