لیکوال : عرفان
(ابتسامتک في وجه اخیک صدقة) حدیث
اروا پوهنې له بابه:
په ژوند کې خندا او څه ناڅه مزاح یوه مهمه روحي اړتیا ده، له دیني اړخه هم خفګان، غم او پریشاني د شیطان د برلاسي عوامل ګڼل کیږي، نو ځکه اړینه ده چې د غمونو د هیرولو او دماغي بوجونو د ختمولو لپاره د خندا او موسکا له فارمولې څخه ګټه واخلو.
هسي خو ددې علاج ضرورت موږ په غیر ارادي توګه هم حس کړی ده، ځکه کله هم چې مونږ کوم دوست غمجن وینو یا پر کومه خبره غوسه یا پریشانه وي نو هڅه کوو چې د نوموړي توجه را جلب کړو، د خندا او مزاح خبرې ورته وکړو، پر شونډو یې موسکا خوره کړو تر څو ذهني تمرکز یې د خپګان له هغې اتش فشاني نقطي بل لور ته واړو او ددې کار لپاره موسکا تر ټولو غوره لار ده.
