کابل ټکی کام (يکشنبه، ۳۰ وری، ۱۴۰۵ل)
د نیویارک ټایمز د راپور له مخې، ایران د خپلو بالستیک توغندیو شاوخوا ۷۰ سلنه او د توغندیو د توغولو وسایلو نږدې ۶۰ سلنه لا هم په واک کې لري، چې د امریکا د استخباراتي ارزونو پر بنسټ تهران د جګړې له پیل مخکې هم د خپلو مهمو توغندیزو زیرمو لویه برخه خوندي ساتلې وه.
راپور زیاتوي چې ایران د خپلو بېپیلوټه الوتکو (ډرونونو) نږدې ۴۰ سلنه هم ساتلي دي.
د معلوماتو له مخې، د ایران او امریکا ترمنځ د دوه اوونیز اوربند پر مهال ایران یوازې د خپلو نیمایي لانچرونو ته لاسرسی درلود، خو وروسته یې وتوانېد چې شاوخوا ۱۰۰ نور لانچرونه له ځمکې لاندې راوباسي.
په راپور کې راغلي، ایران هڅه کوي هغه توغندي هم بېرته ترلاسه کړي چې د امریکا او اسراییل د بریدونو له امله تر خاورو لاندې شوي دي.
که دغه هڅې بریالۍ شي، نو د ایران توغندیز ځواک به یو ځل بیا د جګړې له مخکې کچې ته نږدې، یعنې شاوخوا ۷۰ سلنې ته ورسېږي، چې دا د تهران د پوځي ظرفیت د دوام څرګندونه کوي.
