د جي اس سي اریانا کمپنۍ نوی کابل بانک په ۳۱ ميليون ډالر اخلي
کابل ټکی کام ۱۳۹۵ زمری ۷ زرغون خوږیاڼی
د جي اس سي اریانا افغاني کمپنۍ کابل بانک د ۳۱ مليون ډالرو په قيمت اخستونکې شوه.
د جي اس سي يا جاينت سټاک اريانا د کمپنۍ نرخ د چهارشنبې په ماسپښين د وزارت ماليه له طرفه اعلان شو.
د افغانستان د مالیې وزارت د دې کمپنۍ د پرانستې پر مهال د چهارشنبې په ورځ وويل، چې د دې کمپنۍ وړاندې شوي اسناد له څلورو مياشتو راهيسې تر ارزونې لاندې وو او اوس له بشپړېدو وروسته د افغانستان بانک ته وسپارل شول.
د دې وزارت د خزانو عمومي ريیس محمد اقا کوهستاني وايي: دا کمپنۍ به ۳۱ ميليون ډالر قيمت د نوي کابل بانک د اخستلو لپاره او ۲۰ ميليون ډالر به د افغانستان بانک ته د ضمانت په توګه ورکوي.
ښاغلي کوهستاني وويل: يادې کمپنۍ دا تعهد وکړ، چې په راروانو پنځو کلونو کې به يو ميليارد سرمایه ګذاري کوي.
هغه زياته کړه: ياده کميټه چې د اقتصاد وزارت، ملي تدارکاتو اداره، د عدليې وزارت او خپله نوی کابل بانک د ماليې وزارت د رهبرۍ لاندې په په ګده سره د بانک د پلورلو بهیر و ارزول شو او اوس دا قيمت او راپور په رسمي توګه مرکزي بانک او باصلاحيته مقاماتو ته لیږل شوی دی.
د نوي کابل بانک خصوصي اعلان د روان کال د مارچ په مياشت کې د وزارت ماليې له طرفه نشر شو،چې وروسته بيا دغې دوه کمپنيو ((مسلم کمرشل بانک پاکستان)) او ((جه، اس، سي آريانا))د نوي کابل بانک په اخیستلو کې دلچسپي وښودله.
د کابل بانک خرڅول په پاکستاني کمپنۍ د افغان ديپلوماتانو غبرګونونه راوپارول، مګر مالیې وزارت وويل، چې پاکستانی بانک ونه توانېدلو، چې شرطونه پوره کړي.
نوی کابل بانک چې د ۲۰۱۰ميلادي کال مخکې د دولت د کنټرول لاندې و د مالي بحران سره مخ شو، ځکه چې د دې بانک سهم لرونکو ترې ۹۰۰ ميليون ډالر په غلا ويستي و.
په اوس وخت کې افغانستان کې پنځلس خصوصي بانکونه فعاليت کوي.
