اردوغان وايي د ترکیې د امنیت لپاره به هر کار ترسره کړي

کابل ټکی کام هاشمي عبدالله
د ترکيې جمهور رئيس طیب اردوغان په یوه لویه مرکه کې چې د الجزیره تلویزیون سره د ناکامې کودتا او د ملک په حالاتو کړې، وویل، (پارلماني نظام به برقراره وي او ډيموکراسي به په خطر کې نه وي خو د ملک د دفاع په خاطر به هر هغه کار ترسره کړي چې د مفاد یې پکې خوندي وي.)
په دې مرکه کې ښاغلي اردوغان وویل چې شاید په ملک کې نورې ګرفتارۍ هم ترسره کړي او په هر هغه څه به بندیز ولګول شي چې د ملک امنیت ته ګواښ وي.
نوموړي زیاته کړې ده چې د کودتا خطرې اوس هم موجودې دي او ورته پکار ده چې د امنیت لپاره نور څه هم ترسره کړي.
نوموړي تېره هفته د تلویزیون له لارې درې میاشتې بېړنۍ حالت ددې لپاره اعلان کړ ترڅو امنیتي خطرې له مینځه یوسې او دده له قوله چې فوځ کې یې مکروبونه له مینځه یوسي.
ده زیاته کړه چې تېره کودتا د ترکيې د ملت په خلاف یو سازش و او دولت به د امنیت لپاره هره چاره په لاره واچوي.
پرون د ترکیې د اطلاعاتو وزارت په پنځوسو چاپي رسنیو باندې بندیزونه ولګول.