د شپږيزې سيالۍ لوبو لپاره مشهور لوبڅار (ايمپاير) کابل ته راورسېد
(کابل ټکی کام ۱۳۹۵ زمری ۱۸) الماس خدرخېل
د کرکټ نړۍ مشهور ايمپاير، هندي نژاده سريکا پرساد، د افغانستان په داخل کې، د کرکټ شپږيزو سياليو د لوبڅارۍ لپاره کابل ته راورسېد.
پرساد د څلور ورځنيو انټرکانټينينټل جام، د ښځو نړيوال جام، نړيوال ډوېژن لوبو او يو شمېر نورو لوبو کې لوبڅاري ترسره کړې ده.
ويل کېږي، چې نوموړی به د ۲۰۱۶ کال شپږيزه سياليو کې د الکوزي کابل کرکټ لوبغالي کې د ميچ ريفري په صفت دنده وکړي
