(کابل ټکی کام ۱۳۹۵ زمری ۲۱) زرغون خوږیاڼی
د شپږیزې سیالۍ پنځمه لوبه د بندامیرښاماران او بوست ساتونکو ترمنځ لوبه ترسره شوه.
ټاس د بوست ساتونکو لوبډلمشر نجیب ځدران وګټلو او د توپ اچونې پرېکړه یې وکړه او د بیټنګ چانس یې بند امیر ښامارانو ته ورکړ.
د بندامیر ښامرانو په ټاکلو ۲۰ اورونو کې د۶ لوبغاړو په سوځیدو سره ۱۴۷ منډې جوړې کړې، د بند امیر لوبډلې لخوا ابراهیم ځدران تر ټولو زیاتې ۵۲ منډې جوړې کړې.
بوست لوبډلې د ۲۰ اورونو په لوبولو سره ۱۴۳ منډې جوړې کړې او ۸ لوبغاړي یې هم له لاسه ورکړل، د ۴ منډو په توپیر سره یې لوبه بند امیر ته وبایلله.
د بوست لوبډلې څخه تر ټولو زیاتې ۳۳منډې پاکستاني لوبغاړي بسم الله خان جوړې کړې.
د لوبې غوره لوبغاړی ابراهیم ځدران ونومول شو.
شپږمه لوبه د یا د نن ورځې دویمه لوبه د امو نهنګانو او مس عینک تر منځ وشوه.
لومړۍ لوبه د امونهنګانو وکړه، چې د ۲۰ اورونو لوبولو سره یې ۱۵۸ منډې جوړې کړې او ۸ لوبغاړي یې له لاسه ورکړل.
د مس عینک لوبډلې توپ اچوونکي فضل نیازي د امو لوبډلې د ۴ لوبغاړو په سوځولو بریالی شو.
د مس عینک لوبډلې ښه لوبه و نه کړه، او ټول لوبغاړي يې په ۱۱۵ منډو وسوځیدل.
دغه لوبه د مو نهنګانو لوبډلې د ۴۳ منډو په توپیر سره وګټله.
د امو نهنګانو توپ اچوونکي شرف الدین اشرف د مس عینک لوبډلې ۴ لوبغاړي وسوځول.
