د کابل په څلورمه امنیتي حوزه کې چاودنه شوې
کابل ټکی کام ۳۰زمري/۱۳۹۵، احمدالله مهاجر
څو دقیقې وړاندې د کابل ښار په څلورمه امنیتي حوزه کې درنده چاودنه وشوه.
لومړني معلومات ښيي، چې دغه چاودنه د یوه مقناطیسي ماین په مټ د ترافیکو په څلور لاري کې رامنځته شوې ده.
عیني شاهدان وايي، چې دغې چاودنې یو لنډکروزر ډوله موټر تر هدف لاندې راوستی دی.
تراوسه پورې نه د دغې پېښې پړه چا منلې او نه هم امنیتي مسئولینو رسنیو ته د دغې پېښې په هکله څه ویلي دي.
ویل کیږي، چې په دغه پېښه یو شمېر کسان ټپیان شوي هم دي.
