عراقي چارواکي وايي، د داعش ۳۶ غړي یې اعدام کړي
کابل ټکی کام ۳۱زمري/۱۳۹۵، سمسور ګیلاني
د عراق امنیتي چارواکو رسنیو ته ویلي دي، چې نن یکشنبه یې د داعش ډلې ۳۶ غړي د اعدام په سزا ورسول.
عراقي چارواکو ویلي دی، «دغو کسانو په ۲۰۱۴ میلادي کال کې د عراق د سلګونو سرتېرو په وژنه کې لاس درلودو.».
د چارواکو له قوله چې د داعش ډلې دغه جګړه ماران په ناصیریه نومي زندان کې په دار ځړول شوي دي.
د عراق د عدلیې وزارت یوه چارواکي اسوشیټډ پرس ته د نوم د نه ښودلو په شرط د دغو کسانو اعدامول هم تأیید کړي دي.
د یادولو ده، داعش ډلې هم څو ځله عراقي سرتیري نیولي او په ډول ډول سزاګانو یې رسولي دي.
