اپل کمپنۍ نن خپل نوی ماډل ټلیفون (iphone7) بازار ته وړاندې کوي
کابل ټکی کام ۱۷وږي/۱۳۹۵، احمدالله مهاجر
اپل کمپنۍ نن د خپلو ځیرکو ټلیفونونو له جملې څخه نوی ماډل (iphone7) بازار ته وړاندې کوي، چې د خپل پخواني ماډل (iphone6) نه ډېرې او د پام وړ ځانګړتیاوې لري.
دغه نوی ماډل ټلیفون د خپل پخواني ماډل (iphone6) په پرتله لاندیني توپیرونه او ځانګړتیاوې لري:
دا ماډل په دوو رنګونو کې بازار ته وړاندي کیږي، چې یو یې ځلېدلی تور او بل یې شین رنګ لري.
د یو متر اوبو لاندې د دوو ساعتونو لپاره مقاومت کولی شي.
همدا راز د دغه ټلیفون کمره هم د پام وړ ځانګړتیاوې لري، چې د 4k د ټېکنالوژي سره سم فلم ثبتوي او همدا راز په ثانیه کې د ۶۰ تصویرونو د لوړ کیفیت لرونکې ویډيوګانې ثبتوي.
د دغه نوي ماډل آیفون په پېژندپاڼه کې راغلي دي، چې دغه ایفون د نورو ځانګړتیاوو سربېره، د زیاتو موادو د زېرمه کولو توان لري، چې تر ټولو لږه حافظه یې ۳۲ جي بي او تر ټولو زیاته حافظه یې ۲۵۶ جي بي ده.
